笑稱每周去午餐會變肥
Greg蘇出席獅子會午餐會時話，佢曾經係獅子會會員，有一次出戰室內足球賽，對方球員一腳大力抽射，波餅省中佢對眼，當堂睇唔到嘢。佢嚇到問隊友，自己嘅眼球係咪仲喺度喎！後來佢瞓咗四、五日，視力先至慢慢恢復。
Greg蘇既然係獅子會成員，一班獅兄弟自然好熱情，據聞有人話要請佢去晒獅子會六十八個屬會嘅午餐會。好錫身嘅Greg蘇笑笑口話，政制及內地事務局局長譚志源近日增磅到差唔多二百磅，如果佢每個星期都去一次午餐會，實「具（巨）體」過譚志源喎！
不過咁，Greg蘇只需好似譚志源咁勤力出席活動，唔使餐餐由頭食到尾，又使乜怕肥呢？