借屋飛虎行動 戶主驚心動魄
【本報訊】「當時嗰四個重裝備嘅警察，入咗我間屋之後即刻部署，氣氛好緊張。我之後睇電視新聞直播，先知佢哋原來係飛虎隊。」在啟晴邨槍殺案中，曾借單位予飛虎隊行動的居民高先生，憶起當日近距離直擊飛虎隊行動，仍覺得驚心動魄，印象難忘。
原本在商場做清潔工的高先生，早前因失業近日賦閒在家，現獨居樂晴樓十四樓一單位，四層樓下的正是槍手李德仁的單位。高憶述，本周日早上，他在家休息時門鐘響起，他一開門即見四名高大男子，出示證件自稱警察，要求他開門，借出單位一用，他坦言：「當時我唔知發生咩事，但見有證件就開門啦，佢哋個個好大隻、孭晒重裝備，不過當時就冇戴飛虎隊頭套。」高指四人入屋後立即整理帶來的重裝備及部署，氣氛十分緊張，他為免阻礙他們工作，便往對面單位姓張婆婆家中停留，一起看電視新聞直播。
緊張過睇警匪片
「嘩！睇住直播先知佢哋係飛虎隊，由我間屋游繩落樓下，當時真係好緊張，真係緊張過睇警匪片！」飛虎隊完成行動後，便將單位交還予高先生，他返家後發現其中一隻窗花毀爛，房署知悉後則稱會盡快維修。高讚揚警方今次行動專業有效率，保障到市民安全，「如果第日遇到咁情況，我諗未必會再借單位畀佢哋，因為真係好驚呀！」