探射燈：棒下出暴童 體罰禍延後代

「係咪咁唔聽話呀？打你呀！」小孩子活潑好動，有時亦令家長手足無措，不少家長為了令子女「聽教聽話」，都會動手訓示以嚇怕子女，但打者是否真的愛也？

「我係佢阿媽，點解唔可以打佢？」單親媽媽阿玲在兒子兩歲半前，經常因兒子頑皮用藤條施以體罰，令兒子腿上留下一條條「藤條印」，「嗰時一見佢唔聽話，我就會打佢。」阿玲漸漸發現自己的行為，開始影響兒子，其子開始對其他小朋友動粗，每次到公園，其他家長及小朋友見到二人總會作鳥獸散，兒子更被冠以「小霸王」稱號，「佢喺幼稚園都會咬其他同學，老師同家長都成日打（電話）畀我投訴。」阿玲指當時每周都會收到一個投訴電話。

小朋友的行為，很多時模仿自成人。	「暴童」長大後會沿用父母輩的暴力教育，長遠形成惡性循環。	網上有不少兒童使用暴力的短片，情況愈見普遍。

打罵行為 兒子有樣學樣

除了「動武」，阿玲亦會大聲喝斥兒子；而兒子亦會「照辦煮碗」發洩在他人身上，「我之前試過喝佢叫佢唔准咁做，結果我見到佢又咁喝番其他小朋友。」後來經社工輔導後，阿玲不再「以力服兒」，而是着重溝通與身教，兒子亦逐漸變得聽教聽話。

何愛珠強調小朋友目睹或接觸暴力可令他們出現暴力行為。

阿玲多次體罰兒子終令兒子成為「小霸王」。

被誤認為正常發洩途徑

受家暴影響的還有聰仔（化名）。就如其他兒童，聰仔頑皮時亦會被父母打罵，除了「藤條炆豬肉」，更試過被「兜巴星」，他漸漸默認了打罵行為是正常的發洩途徑，雖然年紀小小，但這位小四學生在發怒或「忟憎」時亦會「郁手郁腳」，聰仔曾因為家傭督促他溫習、做功課而大動干戈，最終家傭因不能忍受他頑劣及拳打腳踢而辭職。聰仔發脾氣時更會殃及家人，他會對母親又打又「搣」，造成瘀傷。

市民點睇 打解決唔到問題 洪太（商人）：「打佢（子女）無用，解決唔到問題。小朋友其實識好多嘢，有問題我會同佢哋溝通。」

愈打愈曳 關女士（家庭主婦）：「小朋友其實愈打愈曳，所以佢曳我都會控制自己，多數都係鬧或者罰佢唔准玩。」

「小朋友細個咩都唔識，屋企人做咩佢哋就會跟住做。」防止虐待兒童會總幹事何愛珠強調，小朋友的暴力大多與家庭暴力有關，即使家長動手可以即時制止小朋友的頑劣行為，但體罰會令小朋友「條氣唔順」，他們亦會因此誤以為武力可以解決問題，終在抑壓不住時爆發，「到時一係就傷害人，一係就傷害自己。」她又指即使小朋友並非受害者，經常目睹或接觸暴力，亦可令其行為變得暴力。她認為家長應尊重小朋友如成人一樣，「小朋友都係人，都會有情緒，根本一下都唔應該打（小朋友）。」

沿用暴力教育 惡性循環

精神科專科醫生丁錫全指家暴家庭的氣氛較差，扭曲兒童的家庭觀念，至他們長大後組織家庭，除了難以維持一個溫暖的家庭，他們亦不懂如何有效管教子女，只會沿用父母輩的暴力教育，「咁樣落去只會係一個惡性循環」。丁又表示這類兒童長大後會更容易出現行為問題，破壞社會秩序。

根據社會福利署數字顯示，近三年虐待兒童個案數字逐年遞增，由二○一一年的八百七十七宗升至二○一三年的九百六十三宗。而去年防止虐待兒童會收到的一千多個求助電話當中，虐兒個案佔了當中的三分之一，其中涉及有近一半身體虐待，有一百六十六宗。

圖：吳啟偉　

文：馬鳳玲