大埔花店阻街 通道變叢林
陳女士早前途徑大埔靖遠街，發現有花店每日都將大量盆栽放置行人路，令街道驟變叢林，同時又令行人路大幅收窄，阻礙行人往來，「條路又唔係闊，成日經過都見間舖頭擺晒啲花花草草出嚟，曬太陽之餘仲可以做生意。」
食物環境衞生署發言人證實，派員巡查後發現有關店舖於行人路上擺放貨物造成阻塞，已檢控有關負責人。發言人強調，一向關注大埔區內店舖違例擴展營業範圍情況，除日常巡查亦會經常採取突擊執法行動。
多年無改善
「講到自己好似成日巡查咁，但我次次出街都仲見到有阻街，一直都冇改善過！」陳女士指區內常有店舖阻街，質疑食環署未有積極執法，令情況多年來並無改善，要求當局加強巡查及提高罰則，以遏止有關情況惡化。