功夫茶早就講過，東方報業集團銳意發展新媒體，旗艦網站「on.cc東網」創新求變，精益求精，優惠陸續有來，真係冇誇張。
呢嗱，為咗回饋讀者，東網今年三月一日起全球免費開放《東方日報電子報》一個月，由於反應熱烈，欲罷不能，震撼優惠延長一個月至四月份，結果瀏覽量持續飆升，點擊率屢創新高，東網決定再次加碼，將電子報全球免費開放時間再延長一個月至五月三十一日，讀者又有福喇！
有麝自然香，東網連續三個月全球免費開放《東方日報電子報》，得到海內外讀者熱烈歡迎，點擊率自然不斷飆升。有數字為證，目前電子報每日嘅瀏覽量高逾四百五十萬頁次，而且唔止《東方日報電子報》瀏覽量急增，早前率先全球免費開放嘅《太陽報電子報》及《好報電子報》瀏覽量亦一齊飆升，簡直就係「東方紅，太陽升」。
唔係自賣自誇，而係讀者有口皆碑，唔止兩岸四地華人齊聲讚好，而係海外僑胞都有同感。正如有「甜姐兒」之稱嘅台灣女藝人郭靜話齋，想了解各式各樣新聞，或者有趣事情，就要快啲下載「東網台灣」App，一起關心時事喇。好多台灣藝人更直言「東網台灣」係現時非常火紅嘅App，凡新聞、財經、評論、生活、娛樂通通都有。
冇錯喇，東網立足香港，面向全球，致力打造全球華人最強資訊網，內容真係通通都有。不妨又聽吓海外讀者點講吖。身處澳洲悉尼嘅新聞雜誌編輯何曉菲稱讚《東方日報電子報》資訊非常豐富，幫助佢喺工作上事半功倍；而澳洲高嘉華市副市長鄧小穎更加對《東方日報電子報》嘅新聞同資訊情有獨鍾，經常推薦畀同事添。
話時話，東網開創傳媒先河，全球免費開放電子報，讀者無論身處何方，都可以第一時間了解香港事情，更難得嘅係好似攞住份報紙咁，享受傳統閱報樂趣，又方便又快捷，唔怪得上東網睇電子報已經成為好多海內外讀者嘅每日生活習慣喇。
順便提提大家，《東方日報電子報》及《太陽報電子報》每日香港時間凌晨三時半全球免費開放，只要登入東網網站或打開東網嘅手機App，就可以原汁原味閱覽整份報紙嘅內容。電腦方面，讀者只要登入東網（網址on.cc），喺左邊Menu Bar點選想閱覽嘅電子刊物就得；至於手機方面，無論係三星等Android用戶，或者iPhone等iOS用戶，只要裝咗「東網電子刊物」App，就可以閱覽電子報。仲有吖，如果手機用戶同時安裝咗「東網港澳」、「東網台灣」同「東網大陸」App，唔止可以享受東網提供嘅廿四小時即時新聞，以及逾百位名家嘅評論文章，而且可以直接閱覽電子報，省卻轉換App嘅麻煩。
一句講晒，想了解天下大事，想跟上時代潮流，就要記得上東網喇！