內地小童於旺角街頭當眾大便一事，成為社會熱門討論議題，雖然本港有法例訂明任何人在街上便溺均屬違法，但港府高官竟然反應不一。食物及衞生局局長高永文話如果有執法人員在場就要執法，但商務及經濟發展局局長蘇錦樑（Greg蘇）就竟然叫人「包容」，隨即惹來猛烈批評，質疑佢係咪叫執法人員包庇違法行為呢？如果有內地旅客去佢屋企門口「留金」，唔知佢仲係咪講得出「包容」兩字呢？包就包喇，不過係去包住啲「金」去丟啫！
