華富停車場 霸泊無王管
「個停車場本身冇閘，任何車都可以自出自入，房署又管理得差，成日有車入嚟泊咗人哋個位都唔理！」華富邨居民阿君（化名）表示，設於華明樓與華裕樓之間的露天月租停車場常有非月租車輛違例停泊，多次向管理員投訴均不得要領，不滿房署管理欠佳。
當區區議員歐立成表示，過去亦曾接獲相關投訴，要求房署做好管理工作，以免縱容違規情況，影響月租車主，「同房署講完之後，都見佢哋有放雪糕筒、有發警告信同鎖車，但係如果個問題一路冇改善，就應該諗下其他更加有效嘅方法！」
房屋署發言人承認知悉有關問題，過去一年平均每月共發出五百多張違例停泊警告，並向約二十部違泊車輛採取扣押行動，或發出違泊定額罰款通知書。
現時，停車場內的未出租的車位已加設圍欄，防止其他車輛停泊。