政情：通訊局收千奇百怪投訴

除咗投訴上升外，投訴信千奇百怪咩都有，語言有韓文、日文、拉丁文等，最奇特係有人用文言文投訴，真係語言能力差少少，都理解唔到投訴內容。

幾十頁紙 標點欠奉

何沛謙話，曾經有投訴人寫咗幾十頁投訴一個節目，但投訴信一個標點符號都冇，搞到職員睇到眼都凸，其實每個投訴當局都要認真處理，呼籲大家唔好濫用投訴機制喎。何沛謙明年三月就卸任通訊局主席，雖然未知會唔會再續任，但就感觸話，任內處理幾項具爭議性的續牌及新牌照事件，全部都係按足程序處理，冇受過任何政治壓力影響。