灣仔：電單車違泊 後巷淪私家位
李先生於灣仔柯布連道工作，發現附近有後巷淪為免費電單車停車場，電單車不時由行人路駛出馬路時更造成人車爭路，威脅行人安全，「啲電單車日日都大搖大擺駛入後巷，如果撞到人咁點算？搞到我哋明明係喺行人路行緊，都要帶眼睇車，驚一唔為意就畀車撞！」
警方發言人承認，過去一年曾於上址一帶發出超過一百五十五張違例泊車定額罰款告票，接獲本報轉介後再派員調查，惟未有發現電單車違例停泊。發言人指將繼續留意有關情況，並採取適當執法行動。
「其實個問題都持續咗三、四年，希望警方真係會巡密啲，唔使市民再行行吓街都要驚畀車撞到！」李先生直指情況已非一朝一夕，要求警方加強巡邏，嚴加檢控違例司機，保障市民生命安全。