政情：鄭志剛誕千金大派薑醋
新世界發展主席鄭家純兒子鄭志剛（Adrian）近日再做爸爸，太太余雅穎上月底誕下千金Natalia，加埋之前嘅囝囝，名副其實湊成一個好字。低調嘅Adrian未有向外宣布喜訊，但廣發薑醋畀好友，據聞煲薑醋有成一個兩磅蛋糕咁大，收到嘅人都話喜出望外。不過，暫時未知Adrian會否為B女擺百日宴，但好友們話，擺唔擺酒都無所謂，賀禮一樣照到。
據知Natalia喺三月二十八日出世，重五點九磅，精靈可愛。再為人父嘅Adrian想低調啲，只印製一批粉紅色心意卡，將喜悅與好友分享，但未有公開女兒的照片。佢亦按照中國傳統大派薑醋，煲薑用白色煲盛載，潮味十足，食過嘅人都話薑味濃郁，豬腳炆得好腍，絕對係水準之作。