路磚下陷速修 免傷途人
「行行吓踩咗落個窿度，好彩冇扭到或者戟親啫，唔係就大件事！」徐小姐早前途經土瓜灣炮仗街期間突然「踩空」，幸未有失平衡跌倒受傷，不滿路政署未有妥善保養行人路磚，令下陷路磚危及途人安全。
路政署發言人指出，經派員實地視察後，發現上址有路磚損毀，已即時安排進行維修，強調保養公共道路和附屬道路設施屬其職責，倘發現有破損會適時安排維修，以保障道路使用者安全。
促多加巡察保養
徐小姐亦證實，有關行人路磚現已修復，但認為當局應多加巡察，以防缺損路磚危害途人，「維修速度的確好快，但預防性嘅措施都應該做足啲，土瓜灣好多長者行得唔穩嘛！」