滲水辦十年查不到源頭
滲水噩夢困擾十年仍揮之不去，滲水辦竟然束手無策！有商舖業主發現單位天花滲水且有石屎剝落，擔心隨時導致人命傷亡，但滲水辦經多次測試仍未能確定滲水源頭，最終需交合約顧問公司調查才證實上層單位滲水，可惜維修未及半年又打回原形，令業主與租戶皆寢食難安。立法會議員直指滲水辦欠缺效率，要求當局正視問題。
「以為有個專責部門會做得妥當啲，估唔到拖咗咁多年都係得個吉。」鄧先生的物業位於尖沙咀美麗都大廈商場，二○○四年接獲租戶反映天花滲水，雖向屋宇署投訴，但獲覆樓宇結構並無危險，水管亦無明顯破損或滲漏，拒絕採取進一步行動。鄧及後多番向滲水辦投訴，拖延至去年才證實上層單位為滲水源頭，始要求有關業主維修，惟約半年後即再次滲水，調查亦重新開始，「整完話咁快又滲過，依家由頭查過，分分鐘一拖又幾年！」
天花石屎剝落擔心安全
鄧先生已多次斥資自行維修，不但「荷包大出血」，更因早前天花曾有面積五吋乘六吋的石屎剝落，擔心影響租戶安全，「滲水辦搵唔到個源頭，屋宇署又出信話我都有責任維修，出咗事係咪要我賠？」
滲水辦發言人並未就鄧先生○四年的投訴作出回應，僅稱○八年十一月接獲相關投訴，調查時發現涉事單位已停止滲水，遂停止跟進，而於一一年接獲投訴後卻未能成功聯絡投訴人，及至一二年底再次接獲投訴，調查時發現天花及牆身滲水，惟未能確定滲水源頭，轉交顧問公司後發現上層單位浴室地台及牆身防水欠妥，遂於去年四月要求業主維修，工程完成後再到涉事單位視察，發現已停止滲水。
發言人補充，去年十一月再接涉事單位滲水投訴，於是到上層單位排水系統進行色水測試，惟未能確定滲水源頭，現已安排顧問公司進行專業調查及測試。
議員斥滲水辦驗收求其
立法會房屋事務委員會主席王國興坦言，滲水辦多年來一直飽受抨擊，反映調查效率、測試方式皆存在問題，「拖咁多年又查唔到源頭，已經唔啱；做完維修，滲水辦又有冇做好驗收工作，定係佢話整完就由佢？真係要檢討下！」
「我係租戶嘅話，出咗事都係第一時間搵業主負責！」法律界人士黃國桐提醒業主有責任維修物業，租戶有權就石屎剝落而出現人命傷亡索償，倘確定滲水源頭，業主可向相關人士追討。黃建議業主可自行聘請測量行以確定滲水源頭，以保障權益。
記者：呂耀焜