政情：公民講場：阿基送贋品 泛民鬥丟「假」

立法會議員尋日喺上海參與政改座談會，開始時泛民議員輪流向港澳辦主任王光亞表達訴求，其中民協議員馮檢基（阿基）就遞上一盒載有三條路軌嘅《基本法》模型，並說「三軌方案是《基本法》範圍之內的」。王光亞就回應話，古玩市場有真品有贋品，需要請專家來鑑定，然後就回贈一本《基本法》嘅真品畀阿基。王光亞言下之意，擺明就是諷刺泛民嘅「三軌方案」係贋品，唔符合《基本法》。記得民主黨議員「AV仁」何俊仁都曾經喺去年十月黨慶中拍賣國畫大師黃永玉嘅贋品，最後要道歉兼賠錢了事，莫非泛民有鋪賣假貨嘅癮？