有人話大學教授只係喺學術象牙塔生活，但若然遇到日常生活實際需要就自然要落地喇！我哋尋日喺灣仔電腦城附近遇到科技大學商學院副院長雷鼎鳴（雷公），當時佢同太太行緊街，期間向放咗好多易拉架宣傳嘅寬頻商查詢。雷公透露，佢準備緊搬屋，所以趁有時間就處理新屋嘅寬頻上網問題，但似乎佢睇唔啱，問咗兩間寬頻商就走咗嘞。之後見佢兩公婆上咗電腦城，唔知係咪買網絡路由器（Router）呢？
