一批德怡幼稚園家長尋日發起遊行，要求教育局協助佢哋喺原區轉校甚至原址辦學。外號「吳得掂」嘅教育局局長吳克儉回應時竟然話，幼稚園係私營嘅，政府不宜過分介入，又強調過去三年香港一共有四十六間幼稚園執笠，但同時亦新開多六十四間，疑似暗示德怡執笠其實冇乜所謂咁。對於有家長要求教育局借出區內空置校舍畀德怡暫時經營，吳得掂亦斷然拒絕，原因係區內小學學位亦好緊張喎。公營嘅小學服務搞到一鑊粥，私營嘅幼稚園政府又袖手旁觀，喺香港地為人父母真係唔得掂呀！
