病假代工傷假 勞工蝕底

要注意自身利益

「無論病假定工傷假都有八折人工，有啲工友唔清楚或者驚得罪僱主唔去追，變相就係自己權益受損！」鄧指出，根據勞工法例，員工因病獲醫生開假超過四天可獲有薪病假，但有薪病假日數要據年資按月累積，上限只有一百二十天，相反，工傷有薪病假則毋須累積，上限達兩年之久。

他說，「如果僱主叫工友用病假代工傷假，其實工友最多只係放得一百二十日，到工傷完咗，佢咁啱有傷風咳就會冇晒有薪病假！」鄧續指，以普通病假取代工傷假者，倘日後發現工傷有後遺症更會影響索償，呼籲工友須注意自身利益。