路牌隨時冧 恐危及途人
路牌傾斜如比薩斜塔，途人隨時遭殃！「兩條柱都歪晒，如果突然冧落嚟，有人行過咪實死梗？」林先生每日均行經深水埗九江街，日前發現路牌疑曾遭車輛撞毀，兩條支柱嚴重傾斜，多日來仍未見有人處理，擔心路牌不穩對路人構成危險。
路政署發言人表示，接獲本報轉介後即時派員視察，已確認上址街道名牌有損毀，懷疑曾被汽車碰撞，隨即安排進行維修，有關工程日前已完成。
「一同《東方》投訴路政署就即刻去整，今次都算係反應快，不過最好都係定時搵人落區巡，咁就再安全啲！」林先生證實上址路牌已修妥，但斥責涉事司機撞毀路牌後不顧而去而未有向當局通報，行為不負責任，無視途人安全。