飯盒擺街賣學生恐食壞

「日日都揸架車嚟賣飯盒，以前就喺正學校門口賣，自從前幾年《東方》出完新聞就轉咗入後巷，但係食環署啲人就企喺條街度傾偈，明知有人賣飯盒都完全唔理！」劉先生指牛津道一帶為校區，有人疑覬覦龐大商機，長期以客貨車運載飯盒到校區販賣，多年來雖不斷向食環署反映，惜情況仍毫無改善。

記者曾於午膳時間實地了解，現場只見多部飯盒車先後抵達，並極速從車內取出大量飯盒且隨便放在街上。學校午膳時間一到，即有大批學生湧至購買，期間檔販需多次致電催促拍檔「補貨」。飯盒車派發的單張分別印上食肆名稱及地址，懷疑來自旺角及深水埗的持牌食肆或食物製造廠，傳單列出的款式數以十計，每個飯盒連飲品只售二十四元。

齋企傾偈 食環署職員在飯盒車附近聚集交談，期間並未巡視或檢控。

爭相購買 學生即場選購飯盒，全部現金交易。

食署職員只顧傾閒偈

據了解，附近學生已習慣每日到現場選購飯盒，並非事前「叫外賣」，就連記者亦能即場購買三個飯盒。飯盒車生意忙得不可開交之際，一直在附近「齋企」的食環署職員卻不斷地自顧「傾閒偈」，對買賣飯盒視若無睹。

放有飯盒的發泡膠箱隨地擺放，任由學生即場選購。

有學生購買飯盒後，即往附近球場食用。

本身為醫生的當區區議員黃以謙指出，飯盒車的食物雖或來自持牌食肆，但因製成後需擺放車內及街上，大大增加食物變壞機會，「食肆有牌唔等於可以喺條街度賣飯盒，因為啲飯可能一早煮好晒，喺車度焗咗大半日，仲要擺喺街度賣，學生食咗容乜易食物中毒？」黃要求食環署加強執法，同時要求學校為學生提供妥善的膳食安排。

街上擺賣需持小販牌

「（食環署職員）嚟到都係行行企企，根本就係敷衍！係唔係要等學生出咗事先做嘢？」立法會食物安全及環境衞生事務委員會委員陳恒鑌批評食環署無視校區非法飯盒車問題，令情況愈見嚴重，要求嚴厲打擊，保障學生健康。

食物環境衞生署發言人承認，過去三年共接獲二十宗相關投訴，並在附近一帶拘控九十六名非法販賣飯盒的小販，接獲本報轉介後，曾再多次派員巡查，但未有發現。發言人重申，凡在街上販賣者，均需持有小販牌照，否則可被控無牌販賣及阻街。

記者：楊育輝、黃芷君

攝影：阮佩君