探射燈：忌借錢 勿瞓身 了解前先忍手

病態股民因沉溺投資而影響生活。（設計圖片）

控制注碼 以閒錢投資

「投資、投機都冇問題，最緊要控制注碼，最好用閒錢投資，成副身家放入股票市場，絕對係唔建議。」浸會大學財務及決策學系副教授麥萃才指，市民投資前要做風險管理，如投機項目應限制注碼；市民宜避免購買缺乏認識的產品，「即係如果未買過股票，就唔好一開始就買窩輪、牛熊證，寧願唔識就唔買。」

香港投資者學會主席譚紹興則建議，散戶投資者不要以孖展炒賣股票，「有時唔係你睇錯市，係因要還錢，抵受唔到短期波幅而焗蝕。」他亦不建議缺乏股本的年輕投資者借貸投資，寧願在累積股本的期間，學習投資知識。他指，投資股票前，投資者應有承受股價波幅的心理準備，並最少可持貨三個月至半年；投資前宜了解公司經營的業務、業績等資料；及避免同時管理多於五隻股票。

大學生心聲 馮小姐(大學一年級)：「暫時未有錢炒股票，平時都會留意財經報紙，等大個啲就會投資。」

莫先生(大學一年級)：「有同學都炒得幾犀利，翻轉頭介紹股票號碼畀爸爸媽媽，有啲爸爸媽媽直頭打本畀同學炒股票添！」