政情：公民講場：最後一擊「黎」插雙貪

申訴專員黎年卸任在即，尋日作出最後一擊狠插「特區雙貪」，狠批「貪曾」前特首曾蔭權爵士領導嘅特首辦無視定期需移交文件予政府檔案處嘅規定，至換屆時才交出及銷毀大量文件；同時又批評廉政公署在處理「貪湯」前廉政專員湯顯明嘅酬酢風波時，亦以「唧牙膏」方式交代貪湯收受禮物及酬酢開支，直斥事件彰顯主事者嘅態度問題。黎年所言非虛，當中以貪曾卸任時銷毀大量文件最受爭議，皆因貪曾被揭發「貪盡海陸空、歎盡省港澳」，未知是否存在延後利益，萬一佢銷毀嘅文件涉及重要證據，自然增加廉署嘅調查及檢控嘅難度。