鬍鬚曾話，想當年佢喺紐約唐人街嘅一間中文報章兼職，放學後會去印刷房幫手執字粒，不過由於佢唔係咁熟手，一篇幾百字嘅短文都要執成個鐘。之後佢去麻省理工讀書，又因為要幫學生活動印製宣傳單張而不時去建築系內嘅實驗室做印刷實驗，又話當時佢哋試過利用感光物料製作絲網，令絲網可以好似相片嘅底片咁，將影像化成印模。
佢又話，坊間唔少兒童書同售樓書開始採用「擴增實景」（Augmented Reality）嘅印刷技術，又話如果呢種技術繼續發展落去，將會出現《哈利波特》電影內嘅「魔幻報紙」，唔知鬍鬚曾到時又會唔會用呢種印刷技術嚟印佢嘅財政預算案呢？