渡海濠情：本番快感 切勿貪玩
雖然近年愈嚟愈重視性教育，但日本有調查指唔少年輕男女曳曳時都唔鍾意着膠衫，覺得會影響關係同交歡快感。澳門大富豪桑拿嘅索女Nhung就認為雖然「本番」好玩，但千祈唔好因貪玩而換嚟惡果。
溫暖感覺
其實後生男女貪一時之快嘅原因好多人都明白，之但係曳曳做足安全準備嘅話，事後就唔使擔驚受怕。Nhung表示：「年輕人又點會諗咁多吖？加上佢哋覺得若然着膠衫嘅話，好似唔多信任對方，梗係唔想因此而影響到大家嘅關係，咪決定唔做安全措施囉！」其實家陣有啲膠衫質地好薄，薄到好似冇着咁都好方便啫！Nhung擰頭話：「膠衫雖然薄，但點都唔及打真軍咁銷魂，試諗吓，嗰種溫暖嘅感覺，加上全接觸嘅快感，不論男女都鍾意呢種體驗，更何況嗰啲所謂超薄嘅膠衫不但價錢貴，而且仲要唔係周圍有得買，最重要係始終有種隔膜感，令人提唔起興趣使用。」
叛逆心態
Nhung又話年輕人唔鍾意着膠衫嘅另一個原因，係覺得零舍刺激，不過好話唔好聽，隨時搞出人命呀！Nhung點頭話：「佢哋明知會有後果，但仍然唔鍾意着膠衫囉！」點解會有咁嘅情況出現？Nhung就話：「據啲專家講，因為年輕人往往都有逆反心理。乜嘢叫做逆反心理？簡單嚟講即係叛逆心態，你愈叫佢哋唔好做咩，佢哋就愈要做，既然大家都話咁做係唔啱時，佢哋就覺得反正曳曳係自己嘅問題，鍾意點玩咪點玩，更何況唔着膠衫覺得過癮啲。其實想佢哋着膠衫，最好就係搵啲同佢哋同輩兼有不快經歷嘅人做分享，咁佢哋會易啲聽入耳。」
Nhung's Profile
年齡：20歲
三圍：33、23、34
撰文：魂
攝影：昌