跳至主要內容​跳至主目錄​

政情:今日你上鏡:盧偉國扮財神成頭汗

今個農曆新年氣溫閒閒哋都有廿幾度,係自○七年以來最熱嘅農曆新年。工程界立法會議員盧偉國(WK)尋日扮財神落區,向市民大派朱古力金幣利是時,早已做足準備,裏面淨係着住件恤衫,但係都仍然畀件財神衫焗到成頭汗。佢話舊年天氣比較凍,入面着咗幾件衫都凍到不斷打冷震,今年天氣就反常地和暖,佢企喺大埔墟站派利是,派咗唔夠幾分鐘已經標晒汗。不過見到市民反應熱烈,短短半個鐘已經派出超過二千封利是,佢話幾辛苦都係值得。而WK生肖屬龍,佢自言「龍」同「馬」可以合組成「龍馬精神」,所以屬龍嘅今年一定會好意頭喎。

本網站已採納無障礙網頁設計。如閣下對此網站在使用上有任何查詢或意見,請以下列方式聯絡我們。 電郵 : enquiry@on.cc
東方日報香港人的報紙 必然首選 連續49年銷量第一
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。