「讓」路牌倒轉 唔踢唔整
「成個『讓』字路牌倒轉咗，搞到就跌就跌咁，如果有車喺小路出大路嗰陣睇唔到（路牌）就大件事！」陳先生日前駕車駛經薄扶林道，發現提示司機「讓路」的路牌被倒轉懸掛，且正有滑下迹象，擔心影響道路安全。
路政署發言人表示，接獲轉介後已即時派員查察，發現有關路牌損毀，隨即指示承辦商維修，工程日前已完成。發言人強調，該署負責保養轄下公共道路和附屬道路設施，亦會派員定期巡查。不過，陳先生對路政署的回應大表質疑，「如果真係有日常巡查，點解會見唔到個路牌倒轉咗，仲要等到我同《東方》投訴完先做嘢？」陳又指交通標誌損毀對駕駛者影響甚大，稍有差池即足以令意外發生，要求路政署勤加留意，適時保養及維修。