政情：公民講場︰白鴿黨鼓吹港獨？

立法會議員李卓人、「佔領中環」行動發起人朱耀明及真普選聯盟召集人鄭宇碩，早前拉隊去台灣同主張「台獨」嘅前民進黨主席施明德會面，隨即被批評勾結台獨勢力，想喺香港搞「港獨」。點知真係長江後浪推前浪，民主黨嚟緊都鼓勵黨員參加一個非暴力抗爭訓練營，該訓練營仲搵埋紅衫軍副總指揮、台灣促進和平基金會執行長簡錫堦來港擔任訓練營嘅主要講者，同成班白鴿仔女分析吓佔中議題，講吓行動計劃、非暴力概念同行動演習等。話晒簡錫堦同施明德嘅政治意念類同，唔知班白鴿上完堂，會唔會學埋簡錫堦嘅台獨理念呢？