小巴違泊 阻巴士上落客
葵涌和宜合道百新大廈對出設有巴士分站，陳小姐發現上址經常有前往葵芳的小巴違泊等客，對埋站巴士造成阻礙。「啲小巴當正嗰個巴士站好似係佢哋個站頭咁，分明就係啲小巴司機貪方便，警方又唔理！」陳不滿有關情況長期未有改善。
警方發言人指出，接獲投訴後已派員巡察，暫未發現有公共小巴在巴士站停泊及候客。雖然如此，警方仍會繼續留意上述地點，並按情況採取適當行動。
「啲警察間中嚟巡一巡，根本冇咩阻嚇力，都係解決唔到個問題！」陳小姐希望警方加強檢控，嚴厲執法打擊有關問題，勿令巴士站被佔用，阻礙巴士上落客。