探射燈：留家廚房從熟客口碑得到肯定
「米芝蓮係國際肯定，被評一星當然開心，但係香港對生意影響，可能對價錢大眾化嘅食肆影響較大，對中、高價位嘅食肆就唔會太明顯。」留家廚房曾被評為一一年米芝蓮一星級餐廳，老闆劉晉指：「當時都係多了一成客。」隨後失落星級位置，他曾經檢討，但從客人口碑中再次肯定自己。
他抽身觀察，對米芝蓮自有一套看法，「佢哋匿名評分，係中立、權威嘅國際標準，不過喺歐洲，佢主要評核消費港幣九百元以上的高級餐廳，係香港就大牌檔同五星級餐廳共冶一爐，難知標準。」從星空歸來，他說米芝蓮不會成為熟客捧場因素，卻成為他們話題，「有時熟客食完，就會同我講：今次我會畀你兩星。」