政情：又爆金句唐唐「不斷演變」

前政務司司長唐英年（唐唐）從政生涯多次爆出金句，經典金句包括「捍衞核心價值係最核心嘅核心價值」、「嗰班友吊吊揈喺街度」等。

唐唐尋日接受電視台訪問，回顧當年促成中央同泛民主派就一○年政改方案溝通時，又爆出立法會過去「隨住社會演變不斷演變」嘅金句，闡述一七年特首普選一人一票非終極方案，認為今次只係民主政制一個中途站，唐唐「金句王」本色認真非浪得虛名。

講番唐唐今次政改訪問，暫未有石破天驚嘅內幕爆出，佢強調當年港府同中聯辦保持溝通，又轉達民主黨希望同佢哋溝通嘅訊息，強調溝通有助增加雙方了解，而事實上政改亦非港府全權話事喎。其後佢就疑似為現屆政府推行政改「獻計」，認為要爭取泛民主派信任，扮演溝通橋樑，並呼籲泛民不應糾纏於細節。