已辭職南區區議員嘅馮煒光日前喺爭議聲中，獲政府委任為候任新聞統籌專員，最近網上瘋傳佢過去嘅一言一行，包括佢左擁右抱兩位OL嘅香肩、笑意盈盈嘅合照，令好奇嘅網友不斷「人肉搜尋」兩位OL嘅來頭。馮煒光澄清，兩位OL係台灣嘅朋友，呢張照片係去年同一大班朋友喺台北食晚飯時拍攝嘅，而事後亦係佢主動將照片上載到社交網站，已喺網上流傳一年多，而兩位OL朋友根本唔知佢係政圈中人同最近嘅任命。佢強調，自己作為公眾人物不介意活在放大鏡下，但「人肉搜尋」兩位OL係好唔公平喎！
