政情：今日你上鏡：戴耀廷麻甩Look形象搞嘢

佔領中環發起人戴耀廷一身麻甩look，一邊食薯片、一邊攞掃帚走去掃街？原來佔中尋日上載咗段片，由戴耀廷首次粉墨登場，同小學生一齊講吓普選嘅重要。佢話片段較容易入屋，形容係「形象去到幾盡」，坦言搞成咁已經唔係好慣，要適應下咁話。佢又話嚟緊仲有啲更加「爆」同更市井嘅宣傳片，依家仲傾緊考慮緊出唔出街，怕會影響形象，如果決定出街，最快一兩個星期之後推出，相信睇到會「嘩」一聲喎。本身係法律系副教授嘅戴耀廷咁擔心影響形象，大家又放長雙眼，睇下佢可以去到幾盡囉。