田灣邨空舖多 萬人衣食皆憂
港島田灣邨位處半山，連同鄰近屋苑約一萬人僅靠屋邨商場供應日常所需。然而，商場近年長期空置率高企，街坊面對十室九空的店舖不但「冇嘢買」，更因商場內的唯一酒樓亦以招待旅行團為主而變得「冇啖好食」。區議員直斥領匯管理不善，即使商場空置率高仍「企硬」加租，變相趕絕商戶。關注團體亦批評領匯任由位處偏遠商場「自生自滅」，無視居民生活所需，企業社會責任欠奉。
「唔好講話買衫、買鞋，就連基本嘢都冇，一晏咗超市就冇餸買，仲要麵包舖又冇、藥房又冇，真係『百冇』！」居於田灣邨的梁太指，商場近年空置率高企，邨內又不設街市，平日只能於商場內唯一的超市購買新鮮食品，但超市規模較小，不足應付生活需求，「依家每個禮拜都要搭車出去買齊晒一家大細要用嘅嘢，但有時遇啱細女啲奶粉飲晒、大仔忽然話冇原子筆做功課，想即刻落街買都未必買到！」
酒樓專做旅行團
另一街坊蘇先生亦稱，近年商場店舖「執完一間又一間」，除購物選擇極少外，亦大呻下班後「冇啖好食」，「成個商場得一間連鎖快餐店、一間六點就收舖嘅茶餐廳，同埋一間專做旅行團餐嘅酒樓，晚晚收工唔係食快餐，就係去便利店搞掂！」蘇不滿領匯對商場店舖長期空置問題撒手不管，令屋邨淪為「孤島」。
面對商場「吉舖」處處，領匯發言人仍指田灣商場租用率接近八成，亦有多種商店迎合顧客各種需要，但強調正積極為商場引入合適商戶，以加強零售及餐飲選擇。
事實上，記者實地了解期間，發現商場二十六個舖位中，十個屬「吉舖」，空置率近四成，商場內除等待進入酒樓享用團餐的內地旅行團外，幾乎不見居民蹤影。
「由啲商場自生自滅」
當區區議員陳富明坦言，商場於房屋署管理年代甚少「吉舖」，自領匯接手後，空置情況即愈見嚴重，現有店舖種類與營業時間均無法應付近一萬人口的生活所需，令街坊投訴不斷，「呢度附近無其他街市同商場，街坊想落街幫BB買罐奶粉都冇，領匯一直由得啲舖位吉喺度，仲企硬要加租，搞到個商場完全唔似樣！」陳要求領匯設法吸引商戶進駐，以回應居民訴求。
「就係地點愈唔就腳，街坊先愈需要呢啲購物配套，可惜領匯一向都係由得啲冇咁賺錢嘅商場自生自滅！」領匯監視察主席陳寶瑩狠批領匯「利字當頭」，疏於管理地理位置較偏遠的商場，無視居民苦況，企業社會責任欠奉，要求領匯正視問題。
記者：何穎賢