多個獲政府以免地價或賤價批地嘅私人會所，被揭未有按照批地條款開放畀公眾使用，甚至有僭建同經營牟利活動等違法違規行為，但照獲政府續租長達十五年。民政事務局局長曾德成尋日出席立法會政府帳目委員會聆訊時，承認上屆曾蔭權政府曾就有關政策進行檢討，但最後以「尊重歷史」為由，決定暫時沿用由港英殖民地政府遺留落嚟嘅政策，為十多個私人會所續約。「貪曾」曾蔭權貴為英國爵士，自然特別尊重港英殖民地嘅歷史喇，對於啲搵唔到地方打波同搞活動嘅普通特區市民，貪曾就闊佬懶理囉。
