天台種出森林恐損結構
私人屋苑天台變「空中森林」，樓宇安全或受影響！居於荃灣的阿明（化名）指出，多年前已發現屋苑內其中一座有住戶於天台種植大型植物，枝葉因不斷生長而愈見茂盛，擔心將令樓宇負重大增而影響樓宇結構，「搞到個天台變咗森林，啲樹葉生到落樓下嗰層咁滯。」
香港專業教育學院（摩利臣山）建造工程系系主任陳子明直言，在天台種植大型植物有機會影響大廈結構，甚至造成滲水、批盪鬆脫等問題，「大型植物，或者榕樹同橡樹呢類高滲透性嘅植物，都唔適合種喺天台，如果花盆或者花槽做得唔好，更加會生埋入石屎層，影響埋大廈結構！」
屋宇署發言人卻說，有關問題不屬該署及《建築物條例》規管範圍。至於大廈管理公司發言人則稱，已發信促請有關業主注意植物生長狀況，定期修剪及清理枯萎枝葉。