政情：公民講場：「魔鬼交易」涉外國案件 黃仁龍會唔知？

「貪曾」前特首曾蔭權爵士乞求與前教宗本篤十六世私人會面嘅大醜聞，尋日律政司罕有地發出新聞稿交代處理意大利方面提出就前意大利總理貝魯斯干尼案相互法律協助請求，指時任香港駐歐盟特派代表栢志高○七年曾就意大利參議員Gregorio嘅要求尋求律政司指示，變相證實「魔鬼交易」確實存在，但律政司就堅稱時任律政司司長黃仁龍對此事不知情。咁就奇怪喇，律政司處理涉及外國案件咁大單嘢都唔使知會頂頭上司黃仁龍？真係令人難以置信嘞。