後巷僭建多年 清拆無期
「真係唔明政府點解可以搞咁耐都搞唔掂，啲鐵皮屋霸咗成半條路，有啲仲做埋舖頭，萬一火燭都唔知點搵路走？」蘇小姐指彌敦道有大廈後巷出現鐵皮屋群多年，擔心阻塞逃生通道，早年曾向屋宇署舉報，但搭建物至今仍原封不動，不滿當局有法不執，漠視居民安全。
舉報五年屋署懶理
屋宇署接獲本報轉介後逾半年始作回覆，發言人承認○八年已得悉有關舉報，但當時認為僭建物沒有即時危險。惟按現時執法政策，大廈後巷僭建物屬優先取締類別，已按序向業主發出清拆令，並先發信予大廈業主立案法團，要求法團自行安排清拆。發言人又稱，該處的搭建物同時位於政府土地及私人土地，其中三個更持有食環署小販牌照。
蘇小姐獲悉屋宇署的回應後大表驚訝，直指該署效率之低令市民無法接受，「出清拆令要等五年、覆個案等半年，咁等啲僭建物拆係咪要等一世？做嘢慢成咁，叫市民點靠佢哋？」