本報尋日獨家揭發考試及評核局早年「呻窮」，要向立法會申請撥款約九千萬元補助，最近半年竟然「大逆轉」，向九成員工大派合共七百萬元「特別獎勵金」，連串質疑同爭議聲音即時不絕於耳，究竟呢個「特別獎勵金」制度邊個先係始作俑者呢？原來係前考評局主席、現任教育局局長吳克儉（吳得掂），當年考評局喺佢領導下曾商討「特別獎勵金」一事。開講有話「前人種樹後人乘涼」，依家吳得掂係前人闖禍，要繼任人、現任考評局主席陳仲尼執手尾，吳得掂認真係無好帶挈！
