立會議員葉劉淑儀上月自製三星期大假，約埋阿囡Cynthia坐郵輪暢遊地中海，仲喺社交網上載行蹤。平日衣着講究嘅葉太趁放假嚟個衣着大解放，罕有以熱褲同單車褲上陣。葉太解畫話，以往喺香港唔敢着短褲，所以趁外遊着返夠本，又話當年赴美留學會以短打出入校園，今次歐遊再着熱褲當堂覺得自己後生咗！
另外，我哋早前頭版報道，話貪曾前特首曾蔭權爵士同李國寶、劉鑾鴻等「曾朋友」同搭郵輪「水晶尚寧號」遊地中海，原來葉太同Cynthia都喺同一隻郵輪上。不過葉太就話無喺船上見過貪曾，反而撞到地產建設商會執委會主席梁志堅，二人仲就樓市「辣招」交流意見添！
（互聯網）