政情：今日你上鏡：陳振邦夫婦 風球下「濕平」

颱風天兔襲港，好多人都選擇留喺屋企最安全，但莎莎國際太子女郭詩慧（Melody）同佢老公陳振邦（Davis）就喺前日風球懸掛之下去咗中環ifc商場拍拖購物，Melody仲要喺天文台改掛八號風球、百貨公司提早閂門前一刻買咗一件心儀嘅外套，總算有啲收獲。Davis話，唔想於三號風球就呆坐家中，於是先將囝囝交予傭人照顧，然後就同太太出去行街，夜晚就買外賣返屋企慢慢歎。Davis當時仲估計，尋日中午前市面一切都會回復正常，仲話已經為旗下員工做好晒突然上班嘅安排，睇情況佢都算得準喎！（徐家浩攝）