郭家麒尋日同浸大化學系講師麥嘉慧開記者會，踢爆日常生活嘅健康謬誤，頭炮係「神油」對於男人係咪有神奇功效。佢哋仲特別為此拍攝約三分鐘題為「神油拯雄風」嘅短片，故事講述一名男子在洗手間內向朋友訴苦，自稱被女友恥笑佢「早洩」，然後有人叫佢試吓使用「神油」。就喺呢個時候，郭家麒就由廁格步出，並駁斥話，「哈哈哈，『神油』係無用o架！」
所謂講多無謂，試吓最實際，郭家麒自爆話，佢曾試過使用神油，但原來只係將神油塗落食指度，結論係「半小時過後其實乜感覺都無」，又話神油嘅功效喺醫學上係冇乜根據。其實神油有種成分係局部麻醉劑，塗在「敏感部位」會令有關部位失去感覺，所以塗落手指又怎能作準呢？
卓妮