立法會下月先復會，立法會秘書長陳維安（Kenneth）就趁暑假抖吓氣，得閒更新社交網站維持人氣。原來Kenneth相當留意美國議會新聞，話晒半個「行家」，好似當地近日就出兵敍利亞鬧得熱烘烘，Kenneth連日緊貼消息，幾乎每日分享美國相關新聞報道。
佢尋日就轉載當地傳媒報道，話美國總統奧巴馬成功爭取眾議院議長支持向敍利亞動武，仲煞有介事話「美國的議會議長，有別於英國國會議長，以至其他西敏寺系統的議會議長，是有政治立場的」，香港嘅制度當然係跟英國啦，係「西敏寺式」，唔通Kenneth有意見，想話主席曾鈺成都應該有政治立場？其實曾鈺成近月嘅言論都相當自由，唔可以話佢無立場囉。