廉署曾否問話 何柱國拒答

去年二月，東方報業集團獨家揭發時任特首的貪曾，偕妻到澳門出席賭場春茗活動，期間與多名本地富豪暢遊澳門，眾人更以三艘豪華遊艇組成海上行宮，度過三日兩夜豪遊之旅，貪曾最後乘坐何柱國的私人豪華遊艇返港。

稱收貪曾船飛錢 涉走白牌

事件曝光後，何柱國曾辯稱邀請貪曾上遊艇，如邀請朋友坐順風車，做法無問題，又稱貪曾已支付五百元「船飛錢」，再被舉報涉嫌利用私人遊艇「走白牌」非法載客。

曾蔭權夫婦去年二月被東方報業集團直擊乘坐何柱國的私人遊艇。	曾蔭權（紅箭嘴）曾在「細劉」劉鑾鴻（藍箭嘴）陪同下，視察涉及巨貪案的澳門「御海‧南灣」地盤。	照片顯示，何柱國與鮑笑薇現身於同一遊艇上。

何柱國昨日以主人家身份出席其集團旗下刊物活動時，被記者問及廉署曾就貪曾案到境外司法區調查的問題，他起初反問記者：「曾蔭權調查？調查關我乜嘢事呢？」又謂：「坐我遊艇係罪咩？我有犯法咩？」

致辭指記者「想陰我講漏口」

記者之後再追問他曾否就貪曾案接受廉署調查，何柱國隨即連珠炮發反問記者：「你做記者你知唔知（根據《防止賄賂條例》）廉署如果搵過我，我可唔可以講你聽？你做記者識唔識行規o架？你知唔知規矩先？……我依家問番你，你知唔知個規矩唔可以問o架？我亦都冇需要答，亦都唔可以答你。你知道我唔可以答你，點解你要問呢個問題呢，呢個無知嘅問題呢？」

何柱國其後為活動致辭時，主動談及記者的提問，公開指稱記者「想陰我，睇我有冇講漏口」。他在活動結束後拒絕再回應任何問題。