政情：議員涉利益衝突退休警舉報縮沙

行政會議成員鄭耀棠聯同八個立法會議員，攜妻帶女參加國泰豪遊法國「收機團」引起公憤。一班退休警員都睇唔過眼，一行四十人尋日原本打算由太子警察體育遊樂會出發，直闖北角廉政公署總部舉報呢班「團友」，但準備出發之際，先至發現大家嘅舉報對象原來唔同，結果班退休警員好似玩街頭快閃咁，傾唔掂數後喺太子四散。

原來退休警員對舉報對象嚴重分歧，有半數「兄弟」覺得班議員攜妻帶女豪遊法國貪就係貪，應送所有「團友」受審，但有一半人就覺得九名「團友」當中，身兼律師嘅民主黨何俊仁同涂謹申明知故犯，罪加一等，要告就告佢哋兩個先。