探射燈：港府環保停留「三色」回收箱時代
環保政策多為短期試驗性質，立法會議員及環保團體炮轟政府缺乏長遠藍圖，環保步伐停滯不前，仍停留在三色回收箱階段，比其他地區走得慢，扼殺環保發展。
台灣早有十色回收
立法會議員黃國健批評，以往的環保政策大多在社會壓力下推行，政府「惟有做一啲嘢應付。」但當社會聲音減弱，當局便不了了之。黃指，以推行三色回收箱計劃為例，當年政府大力宣傳，後期卻「冇晒聲」，「如果政府想真正做到源頭減廢，就應該有持續同具體政策。」
「台灣政府好早就推廣十色回收，好多屋苑垃圾房有十個或以上回收箱，有啲仲寧願犧牲康樂設施搞環保，呢啲都係要靠政府配合。」綠領行動高級項目主任葉翠雯指，電池、玻璃、碳粉盒、木材等是回收「新興垃圾」，惟港府未有與時並進，仍停留於「三色」回收概念，「台灣政府除咗增設環保設施，都會考慮埋有冇足夠嘅吸納量，亦會配合教育。香港要發展環保，就要有長遠藍圖，好多嘢都要兼備。」