回收箱失「金」嘥市民心機
金屬有價有市，回收箱亦疑成賊人目標！袁先生與家人均支持環保，但將日常廢物回收時，卻不時發現有食環署的三色回收箱被人打開，內裏的金屬廢料則不翼而飛。「我住深水埗，成日都見到呢度附近啲回收箱畀人撬開晒，入面啲鋁罐就唔見晒，我都唔知仲放唔放落去回收好！」
食物環境衞生署發言人表示，接獲本報轉介後曾派員巡查，但未有發現回收箱損毀。發言人強調，轄下三色回收箱均有上鎖，並承諾會加強巡查一些經常發生盜取個案或被人蓄意破壞的設施，同時將有關個案轉交警方調查。由去年一月至今，該署共接獲五宗有關三色回收箱被破壞的報告。
「最值錢就係金屬，政府真係要睇緊啲，唔好畀人偷晒，白費咗市民嘅心機！」袁先生要求當局關注回收箱保安情況並加強巡查，以收阻嚇之效。