政情：公民講場：貪曾一「棍」 扑死香港

香港政治爭拗不斷，恒隆集團董事長陳啟宗（Ronnie）前日出席一個中小企午餐會時話，依家好多政治人物同政棍做晒潑婦，咁先至能夠出位，所以呢啲人都利用言論去打擊對手，對人不對事喎。咁邊啲人係佢所講嘅政棍呢？其中一個咪係「貪曾」前特首曾蔭權爵士囉，貪曾喺○五年競選特首時，竟然自大報稱職業係「政治家」，Ronnie就嘲諷話真係可笑，直言貪曾最多只係政棍、政客！貪曾在任七年期間唔止冇建樹，六大產業變六大慘業，仲要藉特首之名貪威識食，貪盡海陸空、歎盡省港澳，結果被廉政公署調查，搞到臭名遠播影衰香港，呢啲唔係政棍又係咩呢？