政情：今日你上鏡：拒談佔中 湯漢一支箭走人

天主教香港教區近排新聞多多，好似副主教楊鳴章揚言唔排除接受市民透過佔領中環（佔中）行動達至政改目的，而年屆退休嘅主教湯漢，就喺物色接班人選上亦波折重重。湯漢尋日出席活動勉勵暑假後升中嘅同學，大會期間仲捧個蛋糕出嚟，幫佢補祝上月底嘅七十四歲生日。唔知係咪活動舉行到超晒時，湯漢喺活動完結後只係拋低句「我趕住入機場」就一支箭走人，繼續封口拒提佔中，令主教對佔中嘅真正立場依然成謎。雖然湯漢年事已高，但據講佢尋日出入都係自己揸車，睇嚟教廷萬一冇合心水嘅接班人，老當益壯嘅湯漢應該有能力連任頂住先嘅。