改掌紋無助改運

整掌紋改運，過去聞所未聞，近年日本及南韓則興起掌紋整形手術，聲稱可以改變命運。手術過程約十至十五分鐘，醫生會使用激光或電子刀，在手掌烙出疤痕，收費約一萬港元。這股紋掌風已吹至內地。本報走訪深圳東門一帶美容院，發現多間都有類似手術，聲言「整掌紋、包改運」，費用豐儉由人，由最平六百元至最貴八千八百元人民幣。女記者以顧客身份向美容院職員問價，對方隨即變身成玄學家，「攞對手出嚟，哇！一定要整，否則唔只惡運纏身，仲會嫁唔出！」

職員見記者一副深信不疑的模樣，今次不做玄學家，改作推銷員，喋喋不休地介紹手術好處，聲稱手術是由曾到南韓進修掌紋整形的醫生主理：「一萬個醫生，得一個識整掌紋，呢個人就係我哋嘅醫生，包你整到歡喜，整到好運，如果你唔知點紋，可以帶埋師傅（玄學家）過嚟睇住嚟紋。」職員指手術簡單，完成後已可正常活動，只要避免傷口濕水，兩三日後新掌紋就完成，奇妙運程由此展開。

深圳招徠 深圳東門有人在街頭拉客介紹整形手術。

職員硬銷 內地美容院職員向記者不斷推介紋掌手術。

整形儀器原是激光去斑機

然而所謂的掌紋整形手術，原來只在一般美容院內進行，房內設備只得一張床及美容儀器，無消毒設備，更非無菌手術室。而紋出掌紋的儀器，其實只是普通的激光去斑機。雖然職員聲稱操刀醫生是專業整形醫生，但記者再追問，職員自行踢爆可能只是美容院職員操刀，他們是否擁有專業資格令人懷疑。

冒玄學家 職員變身玄學家，捉着記者手睇掌。

儀器兒戲 紋掌的儀器，只是普通激光去斑機。

（界）出疤痕與真掌紋有分別

本港整形外科專科醫生彭志宏指出，技術上可透過手術延長及改變掌紋，但與真掌紋有分別：「掌紋唔係一條線，係一堆組織，有拉動性，手術（界）一刀嘅係疤痕係硬嘅，同真掌紋唔同。」

彭更警告，手術在美容院進行，過程並非無菌處理，儀器消毒成疑，過程中易受細菌感染引致發炎，最壞情況影響手部活動能力：「手係好複雜嘅地方，有手筋，如果手筋發炎唔理，會影響日後嘅活動能力，可以癱，一世好唔番。」

「無喇喇整笪瘌，點會有運行？」玄學家蘇民峰表示，掌相測運極為準確，但掌相絕非單看掌紋，還要由掌形、手指長短粗幼、手掌氣色來判斷，而掌紋會隨後天心境、思想而變，故掌紋整形未必有用，「如果施刀者唔識掌相，亂咁嚟紋，仲可能愈整愈衰。」

專案組