專家踢爆種錯草排水差

曾在馬會跑道部做主管的中文大學生命科學學院名譽高級研究員兼香港園藝專業學會會長李賢祉批評，康文署管理大球場草地時忽視草的新陳代謝，未有預留足夠空間排水，亦未有定期將泥土中多餘的腐殖質及死土層清走，以致草根抓不住泥土，變成「死草」。

李健和：神仙難救

李賢祉又指，大球場上蓋屬半開合式，現在種了「不耐陰」的草，不適合大球場較少陽光的環境，但當局多年均拒絕改種「耐陰」草，令草長得稀疏，容易被踢散。他指，本月初爆水管不應該會導致嚴重爛地，因為一般球場管理公司均有爆水管應急方案，但港府連日來大規模搶救，可見是政府臨時抱佛腳，不能「賴」天氣，屬人為所致。

梁小姐（曼聯球迷）：「球場搞到成塊爛地咁好失禮，希望唔好整傷曼聯球星，原本有飛睇曼聯操練，但係結果因為爛地而取消，好失望。」

李先生（大學生）：「大球場爛到咁好肉酸，既然啲飛咁貴，應落重本整靚個場，唔可以忽視大球場保養。」

他補充，即使長期保養不好，近月暴雨連連，政府亦應及早以帆布覆蓋草地以免積水太多，「政府咁多錢，平時應做唔做，依家先嚟做show，好諷刺！」前香港足球先生李健和亦認為，現時大球場不適合進行專業賽事，因部分草已死掉，形容「神仙難救」，無草場地會減慢賽事節奏，亦容易令球員受傷。

莊先生（工程師）：「外隊響咁爛的球場踢波可能有人受傷，大球場咁爛，睇怕以後外隊來港作賽機會唔大。」

黃同學（中學生）：「大球場已經變成大農場咁，好令人失望，咁樣會影響到香港嘅國際形象。」