九巴41A脫班 乘客呆等
李小姐日前於早上八時在旺角等候九巴41A線前往青衣，等候逾半小時仍未見巴士到達，即時向九巴顧客熱線查詢，獲覆在七時五十五分已有巴士由尖東總站開出。李指41A線於有關時段應為七至十分鐘一班，但等候期間一直未見有該班次巴士駛過，對熱線職員的回覆大感困惑，「尖東開去旺角，半個鐘點都駛到過嚟啦，究竟發生咩事？」
九巴發言人指，行車紀錄顯示，當日因受壞車影響，由尖東開出的班次延誤，並就事件對乘客造成不便致歉。發言人承諾將繼續密切留意上述路線服務情況，如有需要及資源許可下會靈活調配班次。
「今次話壞車，下次脫班又唔知搵咩原因做藉口！其實九巴已經成日畀人投訴脫班，呢條線啲班次都成日唔準，但就一路都冇改善過！」李小姐指有關路線過往亦曾多次出現脫班情況，要求運輸署介入並進行監察。