探射燈：甄詠珊負荷過重逼「拆彈」
隆胸是女士最常做的整形手術。娛樂圈不少女星都承認曾經隆胸，前女子組合Freeze成員甄詠珊坦言，曾兩次接受隆胸手術，去年因不勝負荷，腰椎劇痛而「拆彈」，她以過來人身份說：「胸大未必好，要視乎自己需要和負荷能力，接受手術前應了解手術安全性，及搵信譽良好嘅醫生。」
預咗用一世 整前要三思
「我六年前隆胸，之後發覺個胸太大都唔係好事，行樓梯、拎重嘢都會腰痛，身體負荷唔到，所以舊年『拆彈』。」甄詠珊指，受到社會風氣影響，女性盲目追求豐滿上圍，失去自己風格，「其實每個人都有自己嘅美態，唔好受人哋價值觀影響，唔好盲目追求大胸。」
甄詠珊又指，女士若要隆胸，接受手術前須向醫生尋求專業意見，了解手術安全性，更要選擇臨床驗證安全的隆胸質料，「依家好多女仔貪平，返內地隆胸，其實好危險，人哋擺咗啲咩入去你都唔知，又唔知傷口會唔會有細菌感染；隆胸應該預咗用一世，所以整之前要三思。」